🌹 Os socialistas levarán a Pleno unha proposta que plantexa mudar o artigo 9 da actual Ordenanza, engadindo un parágrafo ao artigo relativo á Circulación de vehículos polas calzadas e permitindo que as bicicletas poidan «estar dotadas de accesorios adecuados para o transporte diúrno e nocturno de menores e de carga (animais ou mercadoría), tales como cadeiras acopladas, remolques, semirremolques, semibicis e outros elementos debidamente certificados ou homologados, coas limitacións de peso e prazas que ditos dispositivos estipulen no seu manual de instrucións e cando a persoa condutora sexa maior de 16 anos»

🌹 A proposta foi presentada nunha comparecencia conxunta do portavoz municipal do PSOE, Iván Puentes, e mailo portavoz do colectivo Pedaladas, Quique Pérez, na que estiveron acompañados pola concelleira socialista Yoya Blanco, e busca regular unha cuestión que se atopa agora mesmo «nun limbo legal ou cando menos cunha inseguridade xurídica importante, e que xa foi froito de advertencias e sancións por parte da Policía Local nalgúns casos (a multa ascende aos 200 euros)»

🌹 Puentes afirma que a modificación da Ordenanza, que permitiría regular tamén o transporte de mercadorías, «é ademais importante para un sector como o do reparto a domicilio de paquetería en bicicleta, que vive nunha situación de incerteza ao non estar autorizados os carriños ou esas bicicletas de carga co cesto no parte de diante»