O PSdeG reclama no Parlamento solucións á falla de aire acondicionado no CHUF

• Aitor Bouza califica a situación de “absolutamente denigrante” para as persoas usuarias

O PSdeG-PSOE amosa o seu apoio ás protestas pola situación do hospital Arquitecto Marcide de Ferrol ante as altas temperaturas rexistradas e esixirá solucións no Parlamento de Galicia.

O deputado autonómico Aitor Bouza calificou a situación do transporte no hospital de “absolutamente denigrante” para as persoas usuarias do mesmo.

“Queremos esixirlle á Xunta de Galicia e ao señor Rueda que faga unha aclimatación inmediata dentro de toda esta instalación e que realmente faga unha dotación económica necesaria para poder adecuar este hospital”, sinala Bouza.

O socialista reclamou que tanto pacientes como persoal “non teñan que padecer estas condicións absolutamente denigrantes”. Anunciou unha batería de iniciativas para esixirlle á Xunta que “non mire para outro lado”.

Bouza afirma que a cidadanía está clamando porque un hospital público, a sanidade pública, teña tamén os recursos necesarios e as condicións adecuadas para atender a todas estas persoas e que non sexa un auténtico cocedero”.

“Esa é a realidade que temos a día de hoxe en Ferrol nun hospital público, na sanidade pública”, lamenta. “Non pode volver ocurrer”, conclúe o parlamentario socialista.

As iniciativas parlamentarias socialistas instan á Xunta a adoptar de maneira inmediata as medidas necesarias para garantir unha temperatura adecuada nas habitacións e espazos asistenciais do Hospital Arquitecto Marcide de Ferrol.

Tamén a elaborar e executar con carácter urxente un plan de mellora da climatización do centro, incorporando as actuacións técnicas necesarias para asegurar unhas condicións térmicas axeitadas en todas as áreas asistenciais.