O PSdeG esíxelle á Xunta que permita ós propietarios das Fragas do Eume facer as tarefas de mantemento para evitar incendios como o desta semana

• Aitor Bouza sinala que a situación actual provocou este incendio, “que por sorte se puido sofocar sen ningún tipo de problemática a maiores”

O PSdeG reclama á Xunta de Galicia que escoite as reivindicacións dos propietarios e propietarias das Fragas do Eume e que lles permita realizar os traballos de mantemento e conservación que demandan, para así evitar incendios como o que se produciu esta semana no parque.

Aitor Bouza sinala que esta incendio se debe á que “a Xunta de Galicia non lle permite a eses propietarios e propietarias das fragas que poidan levar a cabo todas as tarefas de mantemento e conservación do parque” que estes reclaman.

“Ao final, por desgraza, pois nos atopamos con este incendio, que por sorte se puido sofocar sen ningún tipo de problemática a maiores”, indica o socialista. Porén, advirte, “no pasado xa vimos as consecuencias que tivo que non se puidersen acometer estas tarefas de mantemento e conservación que tanto se reclaman”.

“Nestas últimas semanas manifestáronse ás propietarias e os propietarios diante do Parlamento, e unha das cuestións que están a reivindicar dentro desta iniciativa lexislativa popular é xustamente iso”, lembra o deputado autonómico.

“Polo tanto esiximos á Xunta de Galicia que hoxe máis que nunca atenda esas reivindicacións, que escoite as propietarias e propietarios, que o único que queren é evitar que xustamente volva ocorrer”, sinalan, un incendio como o sucedido.

“No caso de que volva ocorrer, os responsables e as responsables terán que dar debida conta de por que se negan a que se podan realizar esas tarefas que tanto se están reclamando dende os propietarios e as propietarias e, evidentemente, dende o Grupo Parlamentario Socialista”, conclúe.