Fernández García, Francisco

Nacemento: 19/4/1865
Falecemento:?

Mestre mecánico. Coñecido como “Pedrosa”. Comezou a traballar como aprendiz de mecánico no Arsenal, no ramo de artillaría. En 1890 seguía traballando no Arsenal, xa coa categoría de mestre mecánico, sendo despedido en setembro dese ano por atoparse á fronte dunha comisión obreira creada para canalizar as reivindicacións dos obreiros do arsenal. Participou na constitución da Agrupación Socialista de Ferrol en 1891, da que foi presidente e á que representará xunto coa da Coruña no III Congreso do PSOE en 1892. Foi elixido concelleiro polo distrito do Esteiro no Concello de Ferrol en 1895 convertendose así no primeiro concelleiro do Partido Socialista en Galicia. Dirixiu os xornais socialistas El Obrero (1890), La Voz del Obrero (1894), El Bien del Obrero (1900) e La Antorcha Social (1902), e foi presidente do Centro Obreiro de Ferrol.