{"id":1820,"date":"2025-08-13T11:05:59","date_gmt":"2025-08-13T09:05:59","guid":{"rendered":"https:\/\/agrupacionespsoe.es\/acoruna\/?p=1820"},"modified":"2025-08-13T11:06:00","modified_gmt":"2025-08-13T09:06:00","slug":"o-psdeg-rexistra-iniciativas-urxentes-para-o-saf-e-denuncia-o-incumprimento-da-lei-de-servizos-sociais","status":"publish","type":"post","link":"https:\/\/agrupacionespsoe.es\/acoruna\/o-psdeg-rexistra-iniciativas-urxentes-para-o-saf-e-denuncia-o-incumprimento-da-lei-de-servizos-sociais\/","title":{"rendered":"O PSdeG rexistra iniciativas urxentes para o SAF e denuncia o incumprimento da Lei de Servizos Sociais"},"content":{"rendered":"\n

–Entre as medidas que prop\u00f3n o Grupo Socialista no Parlamento galego<\/a> incl\u00faese tam\u00e9n a aplicaci\u00f3n efectiva do Real Decreto 893\/2024, que recolle obrigas en materia de prevenci\u00f3n de riscos: avaliaci\u00f3ns presenciais dos fogares, reco\u00f1ecementos m\u00e9dicos peri\u00f3dicos, descansos regulados e protocolos contra o acoso<\/strong>.<\/p>\n\n\n\n

<\/section>\n\n\n\n

PSdeG-<\/a> <\/strong>A deputada socialista Silvia Longueira v\u00e9n de rexistrar no Parlamento galego unha bater\u00eda de iniciativas para mellorar a seguridade, a calidade e as condici\u00f3ns laborais no Servizo de Axuda no Fogar (SAF), despois do asasinato dunha traballadora no Porri\u00f1o e tras manter encontros tanto coas profesionais do sector como con distintos rexedores, como a alcaldesa de Betanzos, Mar\u00eda Barral, \u00e1 que visitou esta mesma ma\u00f1\u00e1 para tratar este asunto.<\/p>\n\n\n\n

\u201cO primeiro que fixemos foi escoitar: \u00e1s traballadoras, aos colexios profesionais, \u00e1s persoas que co\u00f1ecen de primeira man o que pasa no d\u00eda a d\u00eda do SAF. O que nos trasladaron \u00e9 moi claro: o sistema est\u00e1 ao l\u00edmite, e as que o soste\u00f1en cada d\u00eda est\u00e1n traballando sen respaldo\u201d, advertiu Longueira. O sucedido no Porri\u00f1o, dixo, \u201cnon foi un feito illado, sen\u00f3n a consecuencia dunha falla grave e sostida de responsabilidade institucional\u201d.<\/p>\n\n\n\n

Desde o PSdeG lembran que a Lei de Servizos Sociais de Galicia, aprobada no ano 2008, obriga a elaborar un Plan Estrat\u00e9xico cada seis anos, pero en 2025 Galicia segue sen ter sequera o primeiro. \u201cMentres a Xunta escapa das s\u00faas obrigas, os concellos fan malabares para manter o SAF en p\u00e9\u201d, denunciou Longueira. \u201cA nosa practicamente a \u00fanica comunidade aut\u00f3noma de Espa\u00f1a que non conta con este plan estrat\u00e9gico\u201d, recordou.<\/p>\n\n\n\n

A normativa tampouco axuda: segundo a Orde de 2009 que regula o servizo, s\u00f3 a Xunta pode autorizar modificaci\u00f3ns ou suspensi\u00f3ns da atenci\u00f3n, mesmo ante situaci\u00f3ns de risco. \u201cIso significa que unha traballadora pode detectar un perigo evidente, pero non pode deixar de ir ata que a administraci\u00f3n llo diga. E iso, simplemente, non \u00e9 asumible\u201d, engadiu.<\/p>\n\n\n\n

Por iso, o PSdeG rexistra agora unha bater\u00eda de propostas para impulsar un cambio normativo urxente, que permita actuar ante calquera indicio de risco sen esperar autorizaci\u00f3ns administrativas, as\u00ed como a activaci\u00f3n dunha mesa t\u00e9cnica de dependencia.<\/p>\n\n\n\n

Creaci\u00f3n dun observatorio<\/strong><\/h2>\n\n\n\n

Entre as medidas rexistradas polo PSdeG incl\u00faese tam\u00e9n a aplicaci\u00f3n efectiva do Real Decreto 893\/2024, que recolle obrigas en materia de prevenci\u00f3n de riscos: avaliaci\u00f3ns presenciais dos fogares, reco\u00f1ecementos m\u00e9dicos peri\u00f3dicos, descansos regulados e protocolos contra o acoso. \u201cNon \u00e9 s\u00f3 cuesti\u00f3n de seguridade f\u00edsica. \u00c9 tam\u00e9n psicol\u00f3xica, laboral e institucional. Non se pode coidar con medo\u201d, afirmou sobre un traballo que, ademais \u201cest\u00e1 feminizado e precarizado\u201d.<\/p>\n\n\n\n

A proposta socialista incl\u00fae, ademais, a creaci\u00f3n dun Observatorio do Sistema de Dependencia en Galicia, para recoller datos reais e tomar decisi\u00f3ns con base. \u201cAgora mesmo estamos gobernando \u00e1s cegas. E quen o paga son as persoas usuarias\u2026 e tam\u00e9n as profesionais que coidan\u201d, sinalou Longueira.<\/p>\n\n\n\n

A alcaldesa de Betanzos, que \u00e9 tam\u00e9n vicepresidenta executiva da Fegamp, subli\u00f1ou que os concellos levan anos demandando \u201cestas e outras medidas respecto do servizo de axuda no fogar\u201d. Por exemplo, no que se refire ao financiamento, xa que se trata dunha prestaci\u00f3n \u201cque est\u00e1 a afogar a todos os municipios galegos\u201d. \u201cCada vez \u00e9 m\u00e1is demandado polos nosos maiores, e cada vez o custe \u00e9 maior\u201d, indicou.<\/p>\n\n\n\n

A rexedora betanceira puxo o seu municipio como exemplo do que est\u00e1 a acontecer tam\u00e9n en outras cabeceiras comarcais, \u201cque non contan con ning\u00fan recurso p\u00fablico enfocado \u00e1s necesidades dos maiores\u201d, unha situaci\u00f3n fronte \u00e1 que, \u201ccorporaci\u00f3n tras corporaci\u00f3n\u201d, se ve\u00f1en formulando demandas que non te\u00f1en resposta. \u201cSon carencias inasumibles\u201d, asegurou. Mar\u00eda Barral destacou que a semana pasada, a ra\u00edz do asasinato da traballadora do SAF, na executiva extraordinaria da Fegamp acordouse por unanimidade crear a antedita mesa de traballo, \u201cna que se escoite \u00e1s traballadoras e traballadores, \u00e1s empresas vinculadas ao servizo e aos concellos, pero na que tam\u00e9n debe estar o Goberno central e, sobre todo, debe liderar a Xunta de Galicia\u201d. A esta \u00faltima reclamoulle, ademais, que colabore nos concellos na elaboraci\u00f3n do protocolo que sirva para atallar sucesos coma o do Porri\u00f1o. Neste momento, \u201ca Xunta non permite, baixo ning\u00fan concepto, deixar de prestar o servizo no domicilio, pese a que as traballadoras vexan peligrar a s\u00faa integridade\u201d, lamentou.<\/p>\n\n\n\n

<\/section>\n\n\n\n