{"id":1682,"date":"2025-06-12T17:07:08","date_gmt":"2025-06-12T15:07:08","guid":{"rendered":"https:\/\/agrupacionespsoe.es\/acoruna\/?p=1682"},"modified":"2025-06-12T17:07:09","modified_gmt":"2025-06-12T15:07:09","slug":"o-psdeg-critica-en-ferrol-que-o-pp-e-o-bng-voten-en-contra-da-creacion-dun-cluster-da-industria-da-defensa-na-cidade","status":"publish","type":"post","link":"https:\/\/agrupacionespsoe.es\/acoruna\/o-psdeg-critica-en-ferrol-que-o-pp-e-o-bng-voten-en-contra-da-creacion-dun-cluster-da-industria-da-defensa-na-cidade\/","title":{"rendered":"O PSdeG critica en Ferrol que o PP e o BNG voten en contra da creaci\u00f3n dun cl\u00faster da industria da Defensa na cidade"},"content":{"rendered":"\n

-\u201dIsto formaba parte dese famoso Pacto de Estado por Ferrol, supo\u00f1o que estar\u00e1 na lista de pendentes, xunto co solo industrial e o resto\u201d ironizou \u00c1ngel Mato en referencia ao pacto impulsado por Feij\u00f3o en 2021<\/strong><\/p>\n\n\n\n

<\/section>\n\n\n\n

O PSdeG-PSOE criticou en Ferrol que o PP e o BNG votasen en contra da creaci\u00f3n dun cl\u00faster da industria da defensa na cidade no Parlamento de Galicia.<\/p>\n\n\n\n

O voceiro socialista local \u00c1ngel Mato comezou lembrando que o que lle trasladara \u201ca ministra Margarita Robles en relaci\u00f3n coa orde de execuci\u00f3n do BAC (Buque de Aprovisionamento en Combate) non soamente se cumpriu, sen\u00f3n esa orde de execuci\u00f3n xa chegou antes do previsto\u201d.<\/p>\n\n\n\n

\u201cCon eses 650 mill\u00f3ns do novo proxecto, vai supo\u00f1er m\u00e1is dunha d\u00e9cada de carga de traballo no sector naval\u201d, destacou o socialista. \u201cCuriosamente isto est\u00e1 a facelo o Goberno de Espa\u00f1a en contra do que d\u00faas forzas pol\u00edticas est\u00e1n a facer tanto no Concello de Ferrol como tam\u00e9n no Parlamento galego\u201d, lamentou.<\/p>\n\n\n\n

\u201cOnte, o Partido Popular e Bloque Nacionalista Galego votaron en contra dunha vella idea que xurdiu aqu\u00ed en Ferrol despois de ter falado con moita xente vinculada ao sector naval, despois de ter falado con moita xente especializada na investigaci\u00f3n e o desenvolvemento a nivel nacional no tempo en que participaba nas Comisi\u00f3ns de Defensa sendo senador\u201d, explicou.<\/p>\n\n\n\n

Mato afirma que \u201ccada vez m\u00e1is \u00e9 imprescindible aproveitar este impulso que agora ten a planificaci\u00f3n estrat\u00e9xica do Goberno en relaci\u00f3n co desenvolvemento das pol\u00edticas de Defensa para que Galicia conte cun cl\u00faster do sector en Ferrol\u201d.<\/p>\n\n\n\n

\u201cNon chega con facer soldadura, montaxe, construci\u00f3n de bloques, cada vez son m\u00e1is importantes a tecnolox\u00eda, o desenvolvemento e a innovaci\u00f3n para poder sacar adiante un programa tan importante como \u00e9 o programa das F-111\u201d, engade.<\/p>\n\n\n\n

\u201cEn 2022, eu, como alcalde trasladeille ao propio N\u00fa\u00f1ez Feij\u00f3o que, do mesmo xeito que en Galicia hai un cl\u00faster das enerx\u00edas renovables, que ten todo o sentido que estea ubicado aqu\u00ed, ou un cl\u00faster da automoci\u00f3n, deber\u00eda de haber un cl\u00faster da industria da defensa\u201d, subli\u00f1a o voceiro socialista.<\/p>\n\n\n\n

Lembrou que \u201cisto formaba parte dese famoso Pacto de Estado por Ferrol, supo\u00f1o que estar\u00e1 na lista de pendentes, xunto co solo industrial e o resto\u201d, en referencia ao pacto impulsado por Feij\u00f3o dende a Xunta en 2021.<\/p>\n\n\n\n

Pola s\u00faa banda, o deputado auton\u00f3mico socialista Julio Abalde lembrou que este cl\u00faster non \u00e9 s\u00f3 \u201cun mecanismo para xerar esta industria \u00fanica e exclusivamente de defensa, sen\u00f3n que \u00e9 un sistema para que act\u00fae de tractor para o resto da industria\u201d.<\/p>\n\n\n\n

Unha industria, sinalou, \u201cque ten aplicaci\u00f3n tanto civil como militar e, sobre todo, que vai xerar postos de traballo e desenvolvemento, e un sector de innovaci\u00f3n, de independencia tecnol\u00f3xica, moi importante e moi necesario para Galicia e para Espa\u00f1a\u201d.<\/p>\n\n\n\n

<\/p>\n\n\n\n

Formaci\u00f3n e innovaci\u00f3n<\/strong><\/p>\n\n\n\n

Abalde considera que Ferrol \u201ccumpre todos os requisitos\u201d para acoller o cl\u00faster, comezando pola presencia de Navantia, \u201cunha empresa dedicada \u00e1 defensa, pero tam\u00e9n de alto nivel tecnol\u00f3xico e de innovaci\u00f3n que se pode transmitir absolutamente a todos os sectores\u201d.<\/p>\n\n\n\n

\u201cEstamos vendo que tam\u00e9n te\u00f1en en Ferrol parte da industria civil vinculada ao tema das enerx\u00edas renovables, que tam\u00e9n est\u00e1 aproveitando os desenvolvementos e os co\u00f1ecementos, digamos, da parte militar\u201d, indicou.<\/p>\n\n\n\n

\u201c\u00danese un centro de formaci\u00f3n tan importante como o \u00e9 a Universidade da Coru\u00f1a, que ten ademais un centro de investigaci\u00f3n mixto donde est\u00e1n traballando conxuntamente a universidade e mais Navantia\u201d, destacou o parlamentario socialista.<\/p>\n\n\n\n

Abalde apuntou que \u201ceste centro de investigaci\u00f3n fixo que Navantia tomara a decisi\u00f3n de que determinadas estruturas de desenvolvemento da dixitalizaci\u00f3n da Armada, que \u00edan estar ubicadas noutro lugar, se ubicasen aqu\u00ed en Ferrol\u201d.<\/p>\n\n\n\n

Finalmente, o secretario xeral provincial Bernardo Fern\u00e1ndez Pi\u00f1eiro lamentou que \u201cnesta cuesti\u00f3n xa chove sobre mollado\u201d, en referencia a que \u201crecentemente vimos de ver como BNG e PP votaban en contra da moci\u00f3n na que propo\u00f1\u00edamos o apoio ao incremento do gasto en seguridade e defensa\u201d.<\/p>\n\n\n\n

\u201cVemos novamente un exemplo, por se algu\u00e9n ti\u00f1a algunha d\u00fabida, do compromiso do PP e do BNG co sector naval de Ferrol e da s\u00faa bisbarra\u201d, criticou Fern\u00e1ndez Pi\u00f1eiro, que lembrou que \u201co cl\u00faster non \u00e9 ningunha invenci\u00f3n novedosa, existe en Asturias, existe en Cantabria\u201d.<\/p>\n\n\n\n

<\/p>\n\n\n\n

M\u00e1is de 9.000 novos postos de traballo<\/strong><\/p>\n\n\n\n

Este agrupar\u00eda \u201cm\u00e1is de 300 empresas relacionadas con este sector e que, polos datos que manexamos e que nos trasladan do propio sector, poder\u00eda xerar m\u00e1is de 9.000 postos de traballo\u201d, indicou.<\/p>\n\n\n\n

\u201cO Partido Popular e o Bloque Nacionalista Galego, tan sensibles de boquilla durante moitos anos con este sector e coa necesaria carga de traballo, que como digo que \u00e9 fundamental para a econom\u00eda das familias das bisbarras de Ferrol, Eume e Ortegal, danlles agora as costas\u201d, denunciou Fern\u00e1ndez Pi\u00f1eiro.<\/p>\n\n\n\n

\u201cTer\u00e1n que explicar, cando ve\u00f1an a Ferrol a manifestarse nalgunhas das concentraci\u00f3ns que poida haber para demandar melloras nos estaleiros, para demandar m\u00e1is investimentos, para demandar melloras no punto de vista dos dereitos laborais, por que se opo\u00f1en a algo que \u00e9 fundamental para que todo iso que demandan de boquilla poida realmente realizarse\u201d, subli\u00f1ou.<\/p>\n\n\n\n

Ademais, o secretario xeral provincial destacou que \u201co incremento do gasto en seguridade e defensa non est\u00e1 sendo asumido s\u00f3 polo Goberno de Espa\u00f1a, son moitos os gobernos europeos que adquiriron o comprimiso de incrementar o gasto en seguridade.<\/p>\n\n\n\n

\u201cEspa\u00f1a, afortunadamente, con esta bisbarra en concreto, \u00e9 unha potencia dende o punto de vista da construci\u00f3n naval\u201d, apuntou, mentres que \u201chai moitos pa\u00edses europeos que te\u00f1en unha industria naval ou moi minguada, ou incluso inexistente, e polo tanto non son competitivos\u201d.<\/p>\n\n\n\n

\u201cNon entendemos cal \u00e9 a negativa por parte do Partido Popular, e entendemos moito menos o argumento que utiliza o Bloque Nacionalista Galego cunha visi\u00f3n da nosa sociedade e do mundo que nos rodea e da xeopol\u00edtica que non ten nada que ver coa realidade\u201d, conclu\u00edu.<\/p>\n\n\n\n

<\/section>\n\n\n\n