Eleccións a Cortes Xerais na provincia da Coruña

Doutora en Socioloxía e con formación de posgrao en Responsabilidade Social e Innovación Social, así como cun Programa de Liderado para a Xestión Pública. É profesora titular na Universidade da Coruña, onde desenvolveu a súa carreira académica e se especializou en mercado de traballo, migracións internacionais e estudos de xénero.

Ao longo da súa traxectoria compaxinou a actividade universitaria co desempeño de diferentes responsabilidades no ámbito público e político. Foi subdelegada do Goberno na Coruña, concelleira do Concello da Coruña e senadora durante a XIII Lexislatura. Posteriormente, exerceu como conselleira de Educación na Embaixada de España en Polonia, responsabilidade que desempeñou ata a súa elección como deputada pola Coruña na XV Lexislatura.

Durante a súa etapa no Congreso dos Deputados, formou parte da Deputación Permanente e de diversas comisións parlamentarias, entre elas as de Asuntos Exteriores, Defensa, Orzamentos e Industria e Turismo. Así mesmo, exerceu como voceira da Comisión de Ciencia, Innovación e Universidades, sumando este labor parlamentario a unha traxectoria profesional vinculada á universidade, á investigación e ao servizo público.

Naceu en Ribeira o 16 de febreiro de 2001. Estudou no IES Leliadoura, onde rematou o Bacharelato con matrícula de honra, e graduouse en Enfermaría pola Universidade de Santiago de Compostela en 2023. Desenvolve a súa actividade profesional na área sanitaria do Barbanza, con experiencia en distintos centros de saúde e, actualmente, no servizo de quirófano. Conta cun nivel B2 de inglés e B1 de francés.

Comprometida coa política desde os 18 anos, foi secretaria de Benestar e Políticas Sociais das Xuventudes Socialistas de Galicia durante o mandato de Xurxo Doval. Desde marzo de 2025 forma parte da Comisión Executiva Nacional Galega do PSdeG-PSOE e, desde xuño de 2026, exerce como secretaria xeral das Xuventudes Socialistas de Galicia. Ademais, foi candidata número dous nas eleccións municipais de 2023.

É enfermeira especialista en Saúde Mental e graduada en Lingua e Literatura Españolas pola UNED. Desenvolve o seu labor asistencial na Unidade de Saúde Mental do Complexo Hospitalario Universitario de Ourense, tanto en hospitalización como na consulta de prevención do suicidio, entre outras áreas.

É divulgadora en redes sociais a través de @bel_enfermeria e @bel_saludmental, onde promove a educación sanitaria, o coidado da saúde mental e a loita contra o estigma. Participa como relatora e formadora en xornadas e obradoiros sobre saúde mental, coidados e comunicación dixital en saúde.

Comprometida coa vida comunitaria de Xaviña, participa activamente en iniciativas locais, contribuíndo á dinamización social e cultural da súa parroquia.

Veciña de Rianxo, conta con formación superior en Xestión e Administración de Empresas e en Prevención de Riscos Laborais, así como con preto de oito anos de experiencia no ámbito da formación empresarial e da coordinación de actividades empresariais. Actualmente traballa nun servizo de prevención alleo, onde desenvolve funcións relacionadas coa coordinación da formación e coa prevención de riscos laborais.

Desde 2023 é concelleira do PSdeG-PSOE no Concello de Rianxo, compaxinando a súa actividade profesional coa responsabilidade pública e o compromiso coa veciñanza. Mantén, ademais, unha participación activa no movemento asociativo e na defensa da educación pública, colaborando coas asociacións de nais e pais e participando en mobilizacións para reclamar os recursos necesarios que garantan unha educación inclusiva, de calidade e en igualdade de oportunidades.

A súa traxectoria caracterízase pola implicación social, a defensa dos servizos públicos e o compromiso coa mellora da sociedade desde a proximidade á cidadanía.

Naceu en 1999 e é veciña da Laracha. Obtivo o grao en Dereito na Universidade de León. Actualmente está a preparar oposicións, é voceira do Grupo Municipal da Laracha e forma parte da Comisión Executiva Provincial do partido.

Guadalupe Rodríguez Silva é licenciada en Psicoloxía Clínica e Social pola Universidade de Santiago de Compostela (USC) e conta cun máster en Psicoxerontoloxía. É técnica do Concello de Santiago de Compostela e responsable do Centro Sociocultural Maruxa e Coralia e da Biblioteca Pública Municipal José Saramago. Ademais, colaborou como profesora na USC.

Na súa traxectoria política, foi concelleira de Educación, Participación Cidadá e Normalización Lingüística entre 2007 e 2011. Actualmente forma parte das executivas local e provincial do PSdeG-PSOE e conta con experiencia no Comité Federal e en distintas executivas do partido.

Naceu en Ferrol en 1969 e conta cunha traxectoria profesional de máis de 21 anos no ámbito da xestión e coordinación de equipos nun centro de atención telefónica (contact center), liderando persoas, organizando o traballo e velando polo cumprimento dos obxectivos.

No ámbito político, forma parte da Executiva Provincial do PSdeG-PSOE da Coruña, é secretaria de Organización da Agrupación Socialista de Cambre e concelleira no Concello de Cambre desde 2023.

Nacida no 1984 en Oza Cesuras, onde reside. Actualmente é a voceira socialista no concello, actividade que compaxina coa súa profesión, gandeira.

Naceu en 1980 e vive en Louro, no concello de Muros, lugar onde se criou.

A súa profesión é a de técnica en Coidados Auxiliares de Enfermaría, formación que cursou no CIFP Anxel Casal Monte Alto da Coruña. Traballou no Complexo Hospitalario Universitario da Coruña (CHUAC), nas unidades de UCI e Urxencias, así como no servizo de axuda no fogar. Ademais, traballou como dependenta nun pequeno supermercado da súa localidade.

Comezou na política en 2011 como concelleira de Servizos Sociais e Turismo, ademais de primeira tenente de alcalde. Actualmente é concelleira de Seguridade Cidadá do Concello de Muros.

Sindo Guinarte Cabada (Forcarei, 1961) é doutor en Dereito pola USC, onde exerce como profesor de Dereito Penal e Criminoloxía. Conta cunha ampla traxectoria académica e investigadora, así como cunha destacada experiencia política e institucional, na que ocupou cargos como o de vicevaledor do Pobo de Galicia e tenente de alcalde de Santiago de Compostela.

Actualmente compaxina a docencia e a investigación coa portavocía do Grupo Municipal Socialista no Concello de Santiago.

Naceu en Betanzos en 1952. Cursou os seus estudos nas Escolas García Hermanos e no Instituto Laboral de Betanzos, completando a súa formación nas universidades de Santiago de Compostela, Alcalá de Henares e A Coruña, nas áreas de Recursos Humanos, Relacións Laborais, Relacións Industriais e Economía.

Desenvolveu a súa traxectoria profesional por conta allea no sector bancario, desempeñando responsabilidades como director de oficinas, director de Persoal, codirector dunha xestora de patrimonios, secretario da Comisión de Prevención do Branqueo de Capitais e membro da Comisión de Relacións Laborais da Asociación Española de Banca (AEB), de ámbito estatal.

O seu compromiso social e sindical reflíctese na súa participación no Observatorio de Recursos Humanos e Relacións Laborais da Universidade da Coruña, no seu labor como secretario de Organización de UXP-UGT, na presidencia dunha asociación veciñal e na súa colaboración con AACC no Día da Ciencia na Rúa.

Persoa de conviccións socialistas e non crente, mantivo ao longo da súa vida un firme compromiso co mundo do traballo, coa participación cidadá e coa sociedade.

Reside en Oleiros e ten estudos na rama sanitaria.

Traballou como autónoma durante catro anos. É funcionaria do Concello da Coruña desde o ano 2000.