O PSOE de Sada estrea nova Executiva Local, liderada por Manuel Ángel Gende Penas

-O novo secretario xeral sinala como prioridade da agrupación “sacar adiante o gran proxecto de arranxar a praia de Sada”

A agrupación local do PSdeG-PSOE de Sada conta xa cunha nova executiva, liderada por Manuel Ángel Gende Penas como novo secretario xeral.

Completan a executiva sadense Mar Martínez Abad como secretaria de Organización e mais Benedicto Paz Viñas como secretario de Política Municipal.

“A participación de todas e todos os afiliados tanto na información como nas decisións a tomar por esta executiva, a transparencia e honestidade van ser  os nosos principios”, sinala Gende Penas. O secretario xeral local sinala que a gran prioridade actual da agrupación é “sacar adiante o gran proxecto de arranxar a praia de Sada, algo no que xa estamos a traballar en colaboración coa nosa concelleira Almudena Pena”.